यंदा विद्यार्थ्यांना उन्हाळी सुट्टीत मामाच्या गावाला जाता येणार नाही

राज्यातील शाळा एप्रिल महिन्यातही पूर्णवेळ सुरु राहणार, उन्हाळी सुट्टी रद्द

संजय खांबेटे म्हसळा 

शालेय अभ्यासक्रम पूर्ण करण्यासाठी आता एप्रिल महिन्यातही पूर्णवेळ वर्ग सुरु ठेवण्याचा निर्णय शिक्षण आयुक्तांनी घेतला आहे. हा निर्णय  शालेय विद्यार्थी  व पालकांसाठी महत्वाचा आहे. कोरोनामुळे  शालेय विद्यार्थ्यांच झालेले नुकसान भरून काढण्यासाठी शिक्षण विभागाने मोठा निर्णय घेतला आहे. अभ्यासक्रम पूर्ण करण्यासाठी आता उन्हाळी सुट्ट्या  रद्द करुन एप्रिल महिन्यातही पूर्णवेळ वर्ग सुरु ठेवण्याचा निर्णय घेण्यात आला आहे. राज्याचे शिक्षण आयुक्त सूरज मांढरे यांनी ही माहिती दिली आहे.कोरोनाच्या प्रादुर्भावामुळे दोन वर्षांपासून  शाळा बंद होत्या त्यामुळे विद्यार्थ्यांचे फार मोठे शैक्षणिक नुकसान झाले. आता शाळा सुरू झाल्या असून अपूर्ण अभ्यासक्रम पूर्ण करण्यासाठी विद्यार्थी, पालक आणि शिक्षक देखील मागणी करत होते. त्यानुसार एप्रिल महिना आणि रविवारीही शाळा सुरु राहणार आहेत.  विद्यार्थ्यांच शालेय नुकसान होऊ नये यासाठी शिक्षण विभागाकडून मोठा निर्णय घेण्यात आलाय. त्यामुळे यंदा मात्र विद्यार्थ्यांना उन्हाळ्याच्या सुट्टीत फक्त अभ्यासच करावा लागणार आहे. म्हसळा तालुक्यात ९६ प्राथमिक आणि २२ माध्यमिक शाळा आसून सुमारे १२ हजार शाळकरी विद्यार्थी उन्हाळी सुट्ट्याना मुकणार आहेत.