आपला म्हसळा कधी होणार आरोग्य संपन्न ग्रामिण रुग्णालयात नाही वैद्यकिय अधिक्षक तर तालुक्याला नाही तालुका आरोग्य अधिकारी
संजय खांबेटे : म्हसळा
म्हसळा शहरासह तालुक्यातील ग्रामिण भागामध्ये कोव्हिड १९ चे रुग्ण वाढत आहेत. नव्याने कोव्हिड बाधीत रुग्णांवर शासकीय व्यवस्थेतून मिळणाऱ्या सेवा दर्जेदार मिळत आहेत. तालुक्यात आरोग्य यंत्रणेतून एक ग्रामिण रुग्णालय व म्हसळा, मेंदडी व खामगाव असे ३ जिल्हा परिषद प्रा.आ.केंद्र,पाभरे येथील एक जि. प. दवाखाना यांच्या माध्यमांतून रुग्णांना सेवा दिल्या जात आहेत.
ग्रामिण रुग्णालयात स्थापनेपासून वैद्यकीय अधीक्षक हे पद रिक्त आहे. ग्रामिण रुग्णालय म्हसळयाचा अधीक्षकांचा कारभार श्रीवर्धन मधून केला जात आहे.तर तालुका आरोग्य अधिकाऱ्याचा कारभार जि.प.दवाखाना पाभरे येथील वैद्यकिय आधिकारी पहातात. तालुक्यातीत नागरिकाना दर्जेदार रुग्णसेवा मिळणेसाठी ही दोनही पदे तात्काळ भरणे आवश्यक आहे.
तालुका आरोग्य आधिकाऱ्यांमार्फत तालुक्या तील सर्व प्रा.आ. केंद्र, जि.प. दवाखाना, तालुक्यांतील उपकेंद्र यामार्फत राबविण्यात येणारे कार्यक्रम,पल्स पोलीओ,आरोग्य सेविकां ना प्रशिक्षण देणे,दुर्धर आजार, प्रधानमंत्री मातृवंदन योजना ,जननी शिशु सुरक्षा कार्यक्रम, जननी सुरक्षा कार्यक्रम, मानव विकास कार्यक्रम या विषयी कामकाज इत्यादी बाबत कार्यवाही केली जाते.
तालुका आरोग्य व्यवस्थेत तालुका आरोग्य आधिकारी म्हसळा, मेंदडी ,खामगाव म्हसळा असे ३ जिल्हा परिषद प्रा.आ.केंद्र, पाभरे येथील एक जि. प. दवाखाना यांच्या माध्यमांतून
रुग्णांना सेवा दिल्या जातात परंतु वैद्यकिय आधिकारी ही पदे सोडून सेवा देणारी कनिष्ठ सहायक ,आरोग्य सहाय्यक (पु) ,आरोग्य सहाय्यक (म) ,आरोग्य सेवक (पु),आरोग्य सेवक (म), औषध निर्माता (मिश्रक), शिपाई, स्त्रि परिचर,कुष्ठरोग तंत्रज्ञ अशी तब्बल ३१ पदे रिक्त आहेत.
प्राथमिक आरोग्य केंद्रांमार्फत तातडीच्‍या वैद्यकिय सेवांची उपलब्‍धता, बाहयरुग्‍ण कक्ष, ६ खाटांचे आंतररुग्‍ण कक्ष, शस्‍त्रक्रिया सेवा, (कुटुंब कल्‍याण स्‍त्री शस्‍त्रक्रिया) प्रयोगशाळा सेवा पुरविल्या जातात म्हसळा तालुक्यातील तीनही प्राथमिक आरोग्य केंद्रातील ऑपरेशन थिएटर अद्ययावत व दुरुस्ती करणे आवश्यक आहे, तीनही प्राथमिक आरोग्य केंद्रात बेड, गाद्या-उशा, रुग्ण तपासणी टेबल,I.V. स्टँड, ड्रेसींग ट्रॉली,स्टरलायझेशन मशीन नव्याने पुरविणे आवश्यक आहे.
फोटो : प्रा.आ.केंद्र , मेंदडी आणि खामगाव, छाया संजय खांबेटे
Post a Comment