संजय खांबेटे : म्हसळा
देशात आणि राज्यात लसीकरणाला प्रचंड प्रतिसाद मिळत असतानाच म्हसळा तालुक्यात सुध्दा लसीकरणाला उत्स्फुर्त प्रतिसाद मिळत आहे.तालुक्यात लसी बाबत कोणताही गैरसमज नसल्याचे वैद्यकिय आधिकाऱ्यानी सांगितले. तालुक्यात ग्रामिण रुग्णालय म्हसळा, प्रा.आ.केंद्र खामगाव,प्रा.आ.केंद्र मेंदडी व प्रा.आ.केंद्र म्हसळा अशा चार केंद्रांवर लसीकरण केंद्र सुरु आहे. प्रा.आ.केंद्र मेंदडी अंर्तगत खरसई, वारळ, रेवली, वरवठणे, तोंडसुरे, गोंडघर, काळसुरी, तुरांबाडी, प्रा.आ. केंद्र खामगाव अंर्तगत आंबेत,मांदाटणे, चिखलप आदीवासी वाडी,संदेरी, देवघर कोंड, वावे, तोराडी, आमशेत या गावांतून प्रत्यक्ष भेटी देऊन लसीकरण करण्यात आले यासाठी स्थानिक नागरिकांनी मोठ्या प्रमाणात सहभाग नोंदविला यासाठी प्रा.आ.केंद्र खामगाव येथील डॉ.गीतांजली हंबीर, डॉ.प्राजक्ता पोटे प्रा.आ.केंद्र मेंदडी येथील डॉ. विशाल भावसार, डॉ.पूजा डोंगरे,व प्रा.आ.केंद्र म्हसळा येथील डॉ. प्रियांका देशमुख ,डॉ.नेहा पाटील, आरोग्य सेवक मंगेश चव्हाण, अरुण कोल्हे, सागर सायगावकर आरोग्य सेविका शितल भगत, दिपिका दिवेकर, ज्योती महाडीक, आरोग्य सहायक शैलेश लाखे, DEO गणेश दाताळ स्थानिक आशा, अंगणवाडी सेविका, मदतनीस, प्रा.शाळांचे शिक्षक,पोलीस पाटील यानी चांगली मदत केली.
" तालुक्यात आजपर्यंत सुमारे ४०% लसी करण झाले असावे.पाहिला डोस घेणाऱ्यां ची संख्या १११०९, दुसरा डोस ९६८ लाभीर्थानी घेतला आहे".
लस घेतल्यानंतर शरीरावर थोड्या-फार प्रमाणात अप्लजीवी म्हणता येतील असे साईड ईफेक्ट निर्माण होतात.काहींना थोडी अ‌ॅलर्जी होते.तर काहींना डोकं दुखणं,ताप येणे अशी लक्षणं दिसू शकतात. मात्र, यामुळे लस असुरक्षित आहे असे समजणे पूर्णपणे चुकीचे आहे.डॉ. महेश मेहता, ( प्रभारी)वैद्यकिय आधिकारी ग्रामिण रुग्णालय,म्हसळा
Post a Comment