निसर्ग चक्रीवादळाच्या पार्श्वभूमीवर ३ जून २०२० ला म्हसळा तालुक्यात जनता कर्क्यु

संजय खांबेटे : म्हसळा प्रतिनिधी

म्हसळा तालुक्यांत बुधवार दिं . ३ जून २०२० ला जनता कर्क्यु कोकण किनारपट्टीवर कमी दाबाचा पट्टा निर्माण झाल्याने त्याचे ‘निसर्ग’ चक्रीवादळात रुपांतर होण्याची शक्यता असून येत्या ४८ तासात हे वादळ रायगड जिल्ह्यातील किनारपट्टी वरील भागात धडकण्याची शक्यता आहे. या पार्श्वभूमीवर तालुक्यात सतर्कतेचा इशारा देण्यात आला आहे. मच्छिमारांना खोल समुद्रात जाण्यास मनाई करण्यात आली आहे. बचाव पथके तैनात करण्यात आली आहेत. तसेच ३ जूनला घरातच राहून जनता कर्फ्यू पाळण्याचे आवाहन म्हसळ्याचे तहसील- दार तथा अपत्ती व्यवस्थापन प्रमुख शरद गोसावी यानी पत्रकार परिषदेत केले. यावेळी सपोनी धनंजय पोरे,नायब तहसीलदार के.टी.भिंगारे उपस्थित होते.कोकण किनारपट्टी - वर तयार झालेले चक्रीवादळ ३ जूनला रायगड जिल्ह्यातील हरिहरेश्वर ते दमण दरम्यानच्या परिसरात धडकण्याची शक्यता हवामान विभागाने वर्तवली आहे. या काळात मुसळधार ते अतिमुसळधार पावसाची शक्यता आहे.या पार्श्वभूमीवर तालुक्यातील कोवीड( १९) नियंत्रण कक्षाचे आपत्ती व्यवस्थापन यंत्रणा कक्षांत कार्यान्वीत करण्यात आले असल्याचे गोसावी यानी यावेळी सांगितले. म्हसळा शहरासहतालुक्यातील वारळ, मेंदडी, खारगाव ( बु ),पाभरे, निगडी, आंबेत, संदेरी, खरसई या खाडीलगतच्या गावाना सर्तकतेचे इशारा तलाठी, ग्रामसेवक यांच्या माध्यमांतून दिला आहे.चक्रीवादळाच्या पार्श्वभूमीवर पोलीस, म्हसळा शहरांत नगरपंचायत, तालुक्यात पंचायत समिती ग्रामविकास विभाग सज्ज आसल्याचे गोसावी यानी सांगीतले. बुधवार दि.३जून रोजी होणाऱ्या जनता कर्फ्यूत म्हसळा शहरातील व तालुक्यातील अत्यावश्यक सेवेतील फक्त मेडीकल व वैद्यकिय सुविधा सुरुरहाणार आहेत व रेशन दुकानांसह सर्व दुकाने बंद रहाणार आहेत असे सपोनी धनंजय पोरे यानी सांगितले.