जिल्ह्यातील 181 गाव/वाड्यांमधील 29 हजार 437 नागरिकांना 17 टँकर्सद्वारे सुरु आहे पाणीपुरवठा

प्रतिनिधि म्हसळा लाईव्ह 

जिल्ह्यातील 15 तालुक्यांपैकी ज्या तालुक्यांमध्ये पाणीटंचाई सदृश्य परिस्थिती आहे, अशा तालुक्यातील गावे, वाड्यांना जिल्हा प्रशासनाकडून  टँकर्स, बैलगाडीद्वारे पाणीपुरवठा केला जात असून त्याची माहिती पुढीलप्रमाणे-

       पेण तालुक्यातील 10 गावे,74 वाड्या-एकूण 84 गाव/वाड्यांमधील एकूण 22 हजार 586 नागरिकांना 7 खाजगी टँकर्सद्वारे पाणीपुरवठा करण्यात येत आहे. 

      रोहा तालुक्यातील 4 गावे, 2 वाड्या-एकूण 6 गाव/वाड्यांमधील  एकूण 2 हजार 896 नागरिकांना सामाजिक संस्थेच्या मदतीच्या  एका टँकरद्वारे पाणीपुरवठा करण्यात येत आहे. 

      महाड तालुक्यातील  5 गावे,37 वाड्या-एकूण 42 गाव/वाड्यांमधील एकूण 2 हजार 365 नागरिकांना 4 खाजगी टँकर्सद्वारे पाणीपुरवठा करण्यात येत आहे.  

      पोलादपूर तालुक्यातील 14 गावे,35 वाड्या एकूण 49 गाव/वाड्यांमधील एकूण 1 हजार 590 नागरिकांना 5 खाजगी टँकर्सद्वारे  पाणीपुरवठा करण्यात येत आहे.  

      अशा प्रकारे संपूर्ण जिल्ह्यातील एकूण तालुक्यांपैकी पेण,रोहा,महाड,पोलादपूर या चार तालुक्यांमधील एकूण 33 गावे, 148 वाड्या असे मिळून एकूण 181 गाव/वाड्यांमधील एकूण 29 हजार 437 नागरिकांना 16 खाजगी, सामाजिक संस्थेच्या मदतीने एक असे 17 टँकर्सद्वारे पाणीपुरवठा करण्यात येत आहे, अशी माहिती उपजिल्हाधिकारी (सा.प्र.) जिल्हाधिकारी कार्यालय, रायगड सर्जेराव मस्के-पाटील यांनी दिली आहे.