म्हसळ्यात पाव मध्ये आढळ्ली मेलेली माशी : प्रशासनाच्या दुर्लक्षामुळे नागरीकांचे आरोग्य धोक्यात

म्हसळा शहरातील बेकरी / भट्टी मधून आलेल्या पावामध्ये मृत पावलेली माशी दिसत आहे.

म्हसळ्यात पाव मध्ये आढळ्ली मेलेली माशी : आरोग्य, अन्न व औषध प्रशासनाच्या दुर्लक्षामुळे नागरीकांचे आरोग्य धोक्यात 

निकेश कोकचा : म्हसळा  प्रतिनिधी

म्हसळा शहरातील बेकरी/ भट्टीमधून बाजारात येणाऱ्या पावामध्ये मेलेली माशी आढळल्याने खळबळ उडाली असून आरोग्य,अन्न व औषध प्रशासनाच्या दुर्लक्षामुळे म्हसळा शहरासहित तालुक्यातील नागरीकांच्या आरोग्याला धोका निर्माण झाला आहे.

म्हसळा शहरात चार ते पाच मैद्यापासून पाव व इतर खादयपदार्थ बनवणाऱ्या बेकरी / भट्टी आहेत. या पैकी एक- दोन भट्टी वगळता बाकीच्या भट्टींमध्ये नियमित दुर्गंधी, माशा, सडलेले पाव, चिखल,किडे व ढिंगळे निदर्शनास येतात. शहरातील या भट्टीमध्ये सांडपाण्याची व्यवस्या देखील नाही आहे. अशा या भट्टी मधुन पाव, बिस्कीट, बटर, ब्रेड, नान, केक बनवले जातात व हे पदार्थ विक्रीसाठी बाजारामध्ये पाठवले जातात. मात्र  या भट्टी मधुन  बनवलेल्या खादय पदार्थांमध्ये मेलेल्या माशी, मुंग्या व ढिंगळ्यांचे वाढीव प्रमाण आढळत आहे.पाव व बटर फुगलेला दिसण्यासाठी यामध्ये इस्ट नावाच्या पदार्थाचे मोठया प्रमाणात वापर होत आहे, हा वापर आरोग्याच्या दृष्टीने अतिशय घातक असुन आरोग्य विभाग ,अन्न व औषध प्रशासन या सर्व गोष्ठीकडे दुर्लक्षीत करूण नागरीकांचे आरोग्य धोक्यात घालत आहे.आरोग्य विभागाने तातडीने या सर्व भट्टींची आरोग्य तपासणी करूण  दोषी भट्टी मालकांवर कारवाई करण्याची मागणी शहरातून पुढे येत आहे.