रायगड : खासदारच नव्हे तर यावेळी श्रीवर्धनचा आमदारही शिवसेनेचाच ना. अनंत गीते यांनी राष्ट्रवादीला ठणकावले

म्हसळा प्रतिनिधी

आपल्याला रायगडचा खासदारच नव्हे तर श्रीवर्धनचा आमदारही शिवसेनेचाच आणून राज्यात शिवसेनेची एक हाती सत्ता आणायची आहे . आपण स्वबळावरच निवडणूक लढविषार असून , शिवसैनिकांनी त्यादृष्टीने कामाला लागावे असे आदेश रायगडचे खासदार आणि केंद्रीय मंत्री ना . अनंत गीते यांनी शिवसैनिकांना दिले . म्हसळा तालुक्यातील आमशेत येथील अंतर्गत रस्त्याच्या कामाचे त्याचप्रमाणे आंबेतकोंड येथील रस्त्याच्या कामाचे भूमीपूजन ना . गीते यांच्या हस्ते करण्यात आले त्याप्रसंगी ते बलत होते . जिल्हा प्रमुख रवि मुंडे , श्रीवर्धन मतदार संघ संपर्कप्रमुख सुजित तांदळेकर , जिल्हा सल्लागार आप्पा विचारे , तालुका प्रमुख नंदू शिर्क , प्रमुख गजानन शिंदे , अवजड वाहतूक संघटनेचे अध्यक्ष श्याम कांबळे , विभागप्रमुख बंड्या विचारे उपविभागप्रमुख राजू सावंत महिला आघाडीप्रमुख निश पाटील यांच्यासह शिवसेनेचे पदाधिकारी उपस्थित होते . या मतदार संघात खासदार निधी , शासनाचा निधी त्याच प्रमाणे जिल्हा नियोजन मंडळातून निधी उपलब्ध करून घेत विविध कमांचे प्रस्ताव तयार करण्यात येत असल्याचे श्री . गीते यांनी यावेळेस सांगितले . राज्यात शिवसेनेची एकहाती सत्ता आणण्याचे स्वप्न शिवसेनेचे पक्षप्रमुख उध्दव ठाकरे यांनी पाहिले आहे . ते स्वप्न सत्यात आणण्याची जबाबदारी आपली सर्वांची आहे . राज्यांत एकहती सत्ता येत असताना त्यात श्रीवर्धनचाही आमदार आपलाच असला पाहिजे , अशी भूमिका ना . गीते यांनी यावेळेस मांडली. या दौऱ्यादरम्यान संदेरी मोहल्ला येथे मुस्लीम समाजाच्या दतीने न . अंतुले यांचा सत्कार करण्यात आला.

बॅ. अंतुलेंच्या निवासस्थानी नाविद अंतुलेबरोबर चर्चा...

आपल्या या दौर्यादरम्यान ना. अनंत गीते यांनी आंबेत येथील स्व .बॅ . ए . आर . अंतुले यांच्या निवासस्थानाला भेट देऊन स्व . अंतुले यांना आदरांजली अर्पण केली . त्याच प्रमाणे त्यांचे चिरंजीव नाविद अंतुले यांच्याबरोबर चर्चा केली . या चर्चेमुळे रायगडच्या राजकीय क्षेत्रात खळबळ उडाली आहे गीते - अंतुले यांच्यात काय चर्चा झाली त्याचा तपशिल उपलब्ध झालेला नाही . काही दिवसांपूर्वीच नाविद अंतुले यांनी ना . गीते यांची त्यांच्या मुंबईतील निवासस्थानी भेट घेतली होती . त्या भेटीत मतदार संघातील विकास कामांबाबत चर्चा झाली होती . त्याच वेळेस आंबेत येथे बॅ . अंतुले यांच्या निवासस्थानी भेट देण्याचे निमंत्रण नाविद अंतुले यांनी दिले होते त्या निमंत्रणाचा मान ठेवीत ना . गीते यांनी ही भेट दिली . या भेटीच्या वेळेस शिवसेनेचे जिल्हाप्रमुख रवि मुंडे , म्हसळा तालुका काँग्रेसचे अध्यक्ष डॉ . मोईज शेख म्हसळा शहर अध्यक्ष रफी घरटकर उपस्थित होते .