श्रीवर्धन तालुक्यात शेकाप संपूर्ण ताकदीने लढणार ; आमदार पंडित पाटील यांनी केले स्पष्ट

श्रीवर्धन प्रतिनिधी

आगामी येणार्या श्रीवर्धन तालुक्यातील १६ ग्रामपंचायतींच्या निवडणूका शेतकरी कामगार पक्ष संपूर्ण ताकदीनिशी लढवणार असल्याचे प्रतिपादन शेतकरी कामगार पक्षाचे आमदार पंडीत पाटील यांनी केले . ते श्रीवर्धन जीवना येथे आले होते . यावेळी बोलताना त्यांनी पुढील दिशा स्पष्ट केल्या . श्रीवर्धन तालुक्यात शेकापची ताकद वाढत असून बोर्ली गणातून तरुण मोठ्या संख्येत सामील होत आहेत . यावेळी त्यांनी श्रीवर्धन तालुक्यातील गावातील विविध विकासकामांबद्दल चर्चा केली तर थोड्याच दिवसात जिल्हा नियोजन मंडळ व विविध योजनेतून विकासकामांचे भूमीपूजन होणार असल्याचेही त्यांनी सांगितले . यावेळी तालुका चिटणीस वसंत यादव , पुरोगामी युवक संघटना अध्यक्ष विश्वास तोडणकर , अमित पाटील , सुनील पांगारे , अनिल पांगारे , अंन्सार चोगले , चंदूअप्पा धनावडे , बंधू खोत , उत्तम दिवेकर , शरद भाटकर , अनिकेत पांगारे , मनोहर कांबळे , गणेश कांबळे , विनोद हेकर , आदी शेकाप कार्यकर्ते उपस्थित होते .