प्रशासनाने गुरांचा प्रश्न हाताळण्यास पळ काढल्याने गणपतीपूर्वी करणार पुन्हा आंदोलन
( संजय खांबेटे, म्हसळा )
काल सायंकाळी ५वा . तहसील कार्यालयांत झालेल्या
शांतता सभेत म्हसळा शहरातील मुख्य रस्त्यावर सातत्याने होणारी वाहतुक कोंडी, वाहनांची सातत्याने वाढणारी संख्या या अनुषंगाने पादचाऱ्याना मार्ग नसणे या विषयी उनाड गुरांबाबत फार गांभीर्याने चर्चा झाली . शहरातील व्यवस्था पहाणारी ग्रामपंचायत होती ती फार चांगली होती, अनेक पटीने टॅक्स घेणारी नगर पंचायत नको अशी टीका होत होती त्याच वेळी आमच्या जीवावर उठलेले मालक व प्रशासन व्यवस्था यांचे विरुध्द काही आभ्यासू गुरे एकत्र झाली. त्यांची प्रशासनाकडे एकच मागणी होती आम्हाला स्वार्थी पणाने सांभाळणाऱ्या आमच्या मालकांवर , आमचे हक्काचे निवासस्थानावर ( कोंडवाडा ) डल्ला मारणाऱ्या लोकप्रतिनिधींवर कारवाई करा, प्रथम प्राधान्याने आम्हाला उनाड सोडणाऱ्या आमच्या मालकांचा शोध घेऊन त्यांच्यावर कारवाई व्हावी .
"महाराष्ट्र नगरपंचायत आधिनियम १९६५ च्या कलम २८३ प्रमाणे आम्हाला आमच्या हक्काचा कोंडवाडा द्यावा, कलम २८५ ( १ ) प्रमाणे आम्ही [ गुरे ] नगरपालीका क्षेत्रावर किंवा सार्वजनिक मालमत्तेच्या जागी अतीक्रमण करीत आसल्याचे आढळून आल्यास गुराना धरून कोंडवाडयात टाकणे पोलीस व नगर पंचायतीचे कर्तव्य आहे . त्या पद्धतीने कारवाई व्हावी"
गुरानी दुकानांसमोर निषेध म्हणून विष्टा टाकलेली दिसत आहे.
Post a Comment