म्हसळा पंचायत समितीच्या नवनिर्वाचित सभापती छाया म्हात्रे यांचे स्वागत करताना आम.अनिकेत तटकरे सोबत मान्यवर
म्हसळा -प्रतिनिधी
म्हसळा पंचायत समिती सभापती उज्वला सावंत यांनी आपल्या पदाचा राजीनामा दिल्याने या पदासाठी आज दिनांक 10 ऑगस्ट 2018 रोजी निवडणूक झाली. मेंदडी समिती गणातुन निवडून आलेल्या छाया लहू म्हात्रे यांचा एकमेव अर्ज आल्यामुळे सभापती म्हणून छाया लहू म्हात्रे यांची निवड झाल्याचे पिठासन अधिकारी तथा उपविभागीय प्रांत अधिकारी प्रविण पवार यानी जाहीर केले. यावेळी तहसिलदार रामदास झळके,गटविकास अधिकारी वाय.एम.प्रभे ,आम.अनिकेत तटकरे, राष्ट्रवादी काँग्रेस चे जेष्ठ नेते अलिशेठ कौचाली,म्हसळा तालुका राष्ट्रवादी काँग्रेस चे अध्यक्ष समिर बनकर, मावळत्या सभापती उज्वला सावंत,उपसभापती संदीप चाचले, माजी उपसभापती मधुकर गायकर,जि. प.सदस्या धनश्री पाटील,व्यंकटेश सावंत,माजी जि. प.सदस्या वैशाली सावंत प्रकाश नाक्ती,किरण पालांडे, रियाज भाई फकी, अनिल बसवत,श्रीपत धोकटे, माजी सभापती अनिता खडस,दिलीप कांबळे आदि पक्षाचे बहुसंख्य कार्यकर्ते उपस्थित होते.याप्रसंगी आम.अनिकेत तटकरे यांनी शुभेच्छा देताना पक्षाशी एकनिष्ठ असणाऱ्या कार्यकर्त्याला राष्ट्रीय नेते सुनिल तटकरे नेहमीच योग्य न्याय देतात.लहू म्हात्रे यांच्या सारखा सर्वसामान्य कार्यकर्त्याच्या पक्षावरील निष्ठेमुळेच सुनिल तटकरे यांनी विश्वास टाकून तालुक्याचा प्रथम नागरिक बनण्यासाठी विश्वास टाकला.ज्याप्रमाणे सुनिल तटकरे यांनी राजकारणात सर्वोच्च उंची गाठली तसेच काम या तालुक्याचे पदाधिकारी,कार्यकर्ता यांना विश्वासात घेऊन नवनिर्वाचित सभापती छाया म्हात्रे करतील असा विश्वास आम.अनिकेत तटकरे यांनी व्यक्त केला.निवडणुका जवळ आलेल्या असल्यामुळे कार्यकर्त्यांनी जोमाने कामाला लागून सुनिल तटकरे यांना खासदार बनविण्याचे आवाहन त्यांनी याप्रसंगी केले.नवनिर्वाचित सभापती छाया म्हात्रे त्यांनी सांगितले की राष्ट्रवादी काँग्रेस पक्षाचे राष्ट्रीय चिटणीस सुनिल तटकरे,आम.अनिकेत तटकरे,जिल्हाध्यक्षा आदिती ताई तटकरे यांच्यामुळेच माझ्यासारख्या सर्वसामान्य एका गरिब कुटुंबातील शेतकर्याच्या मुलीला या पदावर काम करण्याची संधी प्राप्त झाली असून मी त्यांची अत्यंत ऋणी असल्याचे सांगितले.मला सुनिल तटकरे यांनी दिलेल्या या संधीचा फायदा तालुक्यातील तळागाळातील कार्यकर्त्यांपर्यंत पोचवेन आणि प्रत्येकाला विश्वासात घेऊनच तालुक्याचे कामकाज पारदर्शक पणे सांभाळून सुनिल तटकरे,आम.अनिकेत तटकरे, जिल्हा परिषद अध्यक्षा आदितीताई तटकरे यांनी टाकलेला विश्वास सार्थकी लावीन.
Post a Comment