बोर्लीपंचतनमधील ट्रान्सफॉर्मर धोकादायक ...

दिघी : गणेश प्रभाळे

श्रीवर्धन तालुक्यातील बोलपंचतन येथील शंकर मंदिरा जवळील ट्रान्सफार्मरचे विज खांब खालील बाजूने सडला आहे जीर्ण वीज खांब भरवस्तीत असल्यामुळे कोणत्याही क्षणी तो कोसळून जीवितहानी होऊ शकते . या गंभीर प्रश्नाकडे महावितरणने लक्ष देत ट्रान्सफार्मरचे येथून स्थलांतर करावे अशी मागणी ग्रामस्थ करत आहेत . बोर्लीपंचतन येथील शंकर मंदिरापलीकडे स्थानिक शेतकर्यांच्या जमिनी असल्याने शेती कामासाठी ट्रान्सफार्मर असलेल्या रस्त्याने जावे लागते . दरम्यान  वेळोवेळी ट्रान्सफार्मरवर होणाऱ्या शॉटसर्किटमुळे ये - जा करणार्याला व आजुबाजूच्या घरांना ट्रान्सफार्मर | धोकादायक ठरत आहे . भरवस्तीत घराला खेटून असणारा गंजलेले पोल केव्हा तुटून पडेल , हे सांगता येत नाही . त्यामुळे दुर्दैवाने खांब तुटल्यास अपघात होण्याची शक्यता नाकारता येत नाही . मंदिराजवळील ट्रान्सफार्मरशी जोडले गेलेल्या हजारोंच्या अधिक संखेत ग्राहकांना वीजपुरवठा केला जातो . सडलेला विद्युत खांब केवळ समोरील जोडनीच्या आधारावर लोंबकळत आहे एकमेकाला लिंक असलेले हे खांब लगतच्या घरांवर कधीही कोसळू शकतो . 

ट्रान्सफार्मर स्थलांतर करण्याची मागणी

गेल्या अनेक दिवसांपासून हा खांब जीर्ण अवस्थेत असल्याने ही बाब स्थानिकांच्या जीवावर बेतणारी ठरत आहे त्यामुळे ट्रान्सफार्मर स्टेंड येथून स्थलांतर करावे , अशी मागणी परिसरातील नागरिकांकडून होत आहे . सद्यस्थितित बोलपंचतन भागात वीज पुरवठा विषयक अनेक समस्या निर्माण झाल्या आहेत . यामुळे अनेकदा येथील वीज पुरवठाही खंडित होण्याचे प्रकार वाढले आहेत . तालुक्यात मान्सूनपूर्व पावसाने सुरुवात केली असताना परिणामी महावितरणने पावसाळी होणार्या दुर्घटना टाळण्यासाठी कोणतेच प्रयत्न केले नाही . यामुळे कुठे आहे आपत्ति व्यवस्थापन असा प्रश्न येथील सामान्यांना पडला आहे 

घराजवळ जीर्ण विद्युत खांब असल्यामुळे जीविताला धोका कायम आहे त्यातुन अनेक वेळा शॉटसर्किट होत असल्याने सदर ट्रान्सफार्मरची जागा बदलावी .

औदुंबर वेळासकर , बोलपंचतन , रहिवाशी

बोलपंचतन शहरातील जीर्ण वीज खांब बदलण्यात येतील, तसा प्रस्ताव वरिष्ठ कार्यालयाकडे दिला आहे .
- अनूप राजपूत , बोलपंचतन विभागीय दुय्यम अभियंता