घोणसे घाट अपघात रोखण्यासाठी आठ दिवसांत उपाययोजना कराव्यात - खासदार सुनिल तटकरे

म्हसळा - अंकुश गाणेकर

दिघी पुणे राष्ट्रिय मार्गावरील माणगाव कडून म्हसळा कडे जाताना म्हसळा तालुक्यातील ५ किमी अंतरावर घोणसे घाटात केळेचीवाडी येथील तीव्र उतारात सातत्याने अपघात घडून मोठ्या प्रमाणात वित्त व मनुष्यहानी होत असल्याने हा अपघाती मार्ग दुरुस्त करून मिळावा किंवा अपघात रोखण्यासाठी काही तरी ठोस उपाययोजना करण्यात याव्यात अशी मागणी स्थानीक लोकप्रतीनिधी आणि पत्रकार यांनी खासदार सुनिल तटकरे यांच्या कडे केली असता खासदार तटकरे यांनी मा.रायगड जिल्हा अधिकारी डॉ.महेंद्र कल्याणकर यांचे समावेत राजस्व सभगृहात तातडीची बैठक घेऊन एम.एस.आर.डी.सी. अधिकारी,बांधकाम विभाग एजंसी,आर.टी.ओ.अधिकारी यांनी अपघात क्षेत्राची प्रत्यक्ष पहानी करून घोनसे घाटात कायम स्वरुपी अपघात रोखण्यासाठी येत्या आठ दिवसांत उपाययोजना कराव्यात असे आदेश वजा सुचना करण्यात आल्या.याच वेळी खासदार तटकरे आणि जिल्हाधिकारी डॉ. कल्याणकर यांनी रस्ता बांधकाम संबंधितांना दिनांक १४ ऑक्टोंबर रोजी घटनास्थळी प्रत्यक्ष पहानी करावी असे आदेश दिले.या वेळी चर्चेत म्हसळा तालुका माजी सभापती महादेव पाटील,तालुका अध्यक्ष समीर बनकर,अशोक काते,नीकेश कोकचा यांनी सहभाग घेतला.खासदार सुनिल तटकरे यांनी अधिक माहिती देताना सुरुवातीला घोणसे घाट पर्यायी मार्ग सार्वजनिक बांधकाम विभाामार्फत करण्यात आले असता ७ ते ८ वर्षे एकही अपघात झाला नाही परंतु नव्याने करण्यात आलेल्या रस्त्याचा दर्जा चांगला आहे माञ एकाच ठिकाणी अवघड वळणावर अपघात संख्या वाढली असल्याचे एमएस आरडी अधिकारि श्री गावीत आणि बांधकाम एजंसी यांचे निदर्शनास आणून दिले.आयोजीत बैठकीला खासदार सुनिल तटकरे,जिल्हाधिकारी डॉ.महेंद्र कल्याणकर यांचे समावेत राष्ट्रवादी काँग्रेस जिल्हा चिटणीस महादेव पाटील,तालुका अध्यक्ष समीर बनकर,माजी जि.प.सदस्य बबन मनवे,घोणसे सरपंच रेश्मा काणसे,एमएसआरडीसी अधिकारी श्री.गावित, श्रीवर्धन प्रांताधिकारी अमित शेडगे,म्हसळा नायब तहसीलदार गणेश तेलंगे, उपनगराध्यक्षसुनिल शेडगे,गट नेते संजय कर्णिक, स्थानिक ग्रामस्थ राजू लाड,खरसई सरपंच निलेश मांदाडकर,तुकाराम मांदाडकर,अंकुश खडस,घोणसे पंचक्रोशी ग्रामस्थ,स्थानिक पत्रकार उपस्थित होते.