म्हसळा शिवसेना तालुका प्रमुखपदी सुरेश कुडेकर

टीम म्हसळा लाईव्ह

माजी तालुका प्रमुख महादेव पाटील यांनी राजीनामा दिला असता त्यांच्या रिक्त असलेल्या तालुका प्रमुख पदावर म्हसळा शहरातील ज्येष्ठ शिवसैनिक सुरेश कुडेकर यांची तालुका प्रमुखपदी नियुक्ती झाली आहे . शिवसेना पक्षप्रमुख तथा मुख्यमंत्री उद्धव ठाकरे यांच्या आदेशानुसार त्यांची नियुक्ती करण्यात आली . अनेक दिवसांपासून म्हसळा तालुका शिवसेना पक्षात निर्माण झालेली मरगळ , गटबाजी यातून पक्षाला सावरण्याचे मोठे आव्हान नवनियुक्त तालुका प्रमुखांच्या खांद्यावर असणार आहे . सुरेश कुडेकर हे अनेकवर्षापासून राजकिय , सामाजिक क्षेत्रात सक्रिय आहेत . शिवसेना उपशहर प्रमुख , विभागप्रमुख , ग्रा.पं. सदस्यपदी काम केले आहे . त्यांच्या या नियुक्तीबद्दल दक्षिण रायगड जिल्हा प्रमुख अनिल नवगणे , माजी जिल्हा प्रमुख प्रमोद घोसाळकर , ज्येष्ठ शिवसैनिक भाऊ करडे , माजी तालुका प्रमुख महादेव पाटील , राजाराम तीलटकर , श्री. कांबळे , शहरप्रमुख अनिकेत पानसरे , गजानन शिंदे , अनिल काप , अमित महामुनकर यांनी अभिनंदन करून शुभेच्छा दिल्या .