म्हसळा ग्रामीण रुग्णालयात ४० खाटांचे कोविड रुग्णालय होणार ; पालकमंत्री अदिती तटकरेंकडून रुग्णालयाची पाहणी

म्हसळा(निकेश कोकचा)

संपूर्ण महाराष्ट्रात कोरोनाचा वाढता प्रभाव व रुग्णांना मिळणाऱ्या बेडचा अभाव पाहता प्रशासन अलर्ट मोड वर आले आहे. याच हेतूने म्हसळा ग्रामीण रुग्णालयात ४० खाटांचे ऑक्सिजनयुक्त कोविड रुग्णालय तयार होणार आहे.

 शनिवारी पालकमंत्री अदिती तटकरे या म्हसळा दौऱ्यावर आल्या होत्या तेव्हा त्यांनी हि माहिती दिली.पालकमंत्री अदिती तटकरे यांनी यावेळी ग्रामीण रुग्णालयाची पाहणी देखील केली.यावेळी ग्रामीण रुग्णालयात सुरु असलेले प्राथमिक आरोग्य केद्र जुन्या पंचायत समिती कार्यालयात,कोविड लसीकरण केंद्र पाभरा फाटा येथील फ्लू क्लिनिकच्या जागेत तर ग्रामीण रुग्णालयाची सामान्य ओपीडी सध्यास्थितीत आहे त्याच जागेवर राहणार असल्याचे ना.तटकरे यांनी सांगितले.यावेळी त्यांचा सोबत प्रांताधिकारी अमित शेडगे,तहसीलदार शरद गोसावी,म्हसळा नगरपंचायतीचे मुख्याधिकारी मनोज उकिर्डे,अल्पसंख्याक जिल्हाध्यक्ष नाजीम हासवारे,राष्ट्रवादी म्हसळा तालुका अध्यक्ष समीर बनकर,माजी नगराध्यक्ष जायेश्री कापरे,उप नगराध्यक्ष संजय कर्णिक,शोएब हळदे,एपीआय सुर्वे,डॉक्टर महेश मेहता,अलंकार करंबे ,सोनल करंबे उपस्थित होते.

ग्रामीण रुग्णालयाच्या पाहणी नंतर पालकमंत्री अदिती तटकरे यांनी शहरातील अल हम्द रुग्णालयाची देखील पाहणी केली.

म्हसळा लाईव्ह इम्पॅक्ट

म्हसळा लाईव्ह सह इतर वृत्तपत्रां मध्ये ग्रामीण रुग्णालयातील एक्स-रे मशीन तंत्रज्ञ अभावी बंद असल्याचे वृत्त प्रसिद्ध करण्यात आले होते. पालकमंत्री ग्रामीण रुग्णालयाच्या दौऱ्यावर आल्या असताना त्यांनी ३ दिवसांत मशीन तंत्रज्ञ मिळून उपलब्ध करून देऊ व एक्स-रे मशीन सुरु करा असे आदेश दिले.

फोटो- ग्रामीण रुग्णालयात ऑक्सिजन युक्त कोविड सेंटर सुरु करण्यासाठी अधिकाऱ्यांसोबत चर्चा युक्त पाहणी करताना पालकमंत्री अदिती तटकरे दिसत आहेत.फोटो-निकेश कोकचा