संजय खांबेटे : म्हसळा प्रतिनिधी
असमंतातील घरे व झाडे यांच्या उंचीच्या चौपट अंतराच्या आत पर्जन्यमापक बसवू नये. प्रत्येक ठिकाणी वाहणाऱ्‍या जोराच्या वाऱ्‍यापासून तो संरक्षित असावा. पर्जन्यामापक कधीही उतार असलेल्या जमिनीवर, इमारतींच्या गच्चीवर, भिंतीवर किंवा छपरावर बसवू नये अशा स्पष्ट तांत्रिक सूचना असूनही म्हसळा तालुक्याचे मुख्य पर्जन्य मापन केंद्र सदोष व तांत्रिकदृष्टया चुकीच्या ठिकाणी आहे.
म्हसळा तालुक्याचे सरासरी पर्जन्यमान किमान ३३०० ते ३५०० मि.मि. व कमाल ४५०० मि.मि. असल्याचे कृषी व महसुल विभागाच्या तालुक्यातील नोंदणीत आहे. या वर्षी म्हसळ्याचे पावसाची नोंद ४९८७ मि.मि आहे, नोंदी पेक्षा वास्तवात तो जास्त पडला असावा असा जाणकारांचा अंदाज आहे. तालुक्यात मंडल निहाय म्हसळा व खामगांव या दोन ठिकाणी पर्जन्य मापक यंत्रे आहेत.३० ऑक्टोबर पर्यंत म्हसळ्याचे पावसाची नोंद ४९८७ मि.मि. व खामगावच्या पावसाची नोंद ४०८३ मि.मि. आहे .शासकीय नोंदी प्रमाणे सुमारे ९०४ मि.मि.पाऊस म्हसळ्याला जास्त पडला. म्हसळा व खामगाव मंडळ (Cercal) भौगोलिक तुलना करता व जाणकारांच्या अंदाजानुसार म्हसळयापेक्षा खामगाव परीसरांत पावसाचे प्रमाण जास्त असते.
जिल्हा नियोजन व विकास परिषदेकडून "नाविन्यपुर्ण बाब" म्हणून मंडळ निहाय पर्जन्य मापक यंत्र बसविण्याचा निर्णय सन २०१३ साली झाला. त्यामध्ये म्हसळा तालुक्यातील खामगांव मंडळातील पर्जन्यमापक यंत्र कृषी चिकीत्सालय देहेन येथे व म्हसळा मंडळातील पर्जन्यमापक यंत्र मराठी शाळा येथे बसाविल्याची माहीती जिल्हाधिकारी रायगड व जिल्हा कृषी अधिकारी यांच्याकडे आहे. परंतु या दोनही ठिकाणच्या नोंदी महसुल विभागाकडे उपलब्ध नसल्याचे समजते.
"पर्जन्य मापक केंद्रामुळे शेतकऱ्याना हवामानाचा अचूक अंदाज घेता येत असतो, या वर्षी आक्टोबर महीन्या अखेर पर्यंत तालुक्यात सर्वत्र पाऊस होता, म्हसळ्याच्या पावसाचा अंदाज केला असता म्हसळा तालुक्यात ५५०० ते ५८०० मि.मि. पाऊस झाला आसावा , म्हसळया प्रमाणेच भौगोलिक रचना असणाऱ्या शेजारील तळा, माणगाव तालुक्याचे पर्जन्य मानाचा अभ्यास होणे आवश्यक आहे"
दुर्वास म्हशीलकर .शेतकरी, म्हसळा
"पर्जन्य यंत्रा बाबत तात्काळ माहीती व तांत्रिक मदत घेऊन योग्य जागी ती नव्याने बसविण्यात येतील"
शरद गोसावी, तहसीलदार , म्हसळा
Post a Comment