गर्जा महाराष्ट्र प्रतिष्ठान म्हसळा तर्फे छत्रपती संभाजी महाराज जयंती आणि शिवराज्याभिषेक दिन उत्साहात साजरा..

म्हसळा (निकेश कोकचा)

दरवर्षी तिथी प्रमाणे होणारा छत्रपती शिवाजी महाराजांचा  शिवराज्याभिषेक दिन सोहळा किल्ले रायगडावर गर्जा महाराष्ट्र प्रतिष्ठान तर्फे जेष्ठ शुद्ध त्रयोदशी दिनांक १५ जून २०१९ रोजी शेकडो शिवप्रेमींच्या उपस्थितीत किल्ले रायगड येथे साजरा करण्यात आला. गर्जा महाराष्ट्र प्रतिष्ठान तर्फे गडावर अनेक कार्यक्रमांचे नियोजन करण्यात येत असतात. सूमारे शेकडो शिवभक्त म्हसळा तालुक्यांतून शिवराज्याभिषेकाला एक दिवस आधीच म्हणजेच जेष्ठ शुद्ध द्वादशीला (१४ जून २०१९) संभाजी महाराजांची जयंती साजरी करण्यासाठी गडावर जात असतात.गडावर मुसळधार पाऊस असताना देखील तालुक्यातील  महिला, मुली व बालकांनी मोठ्या प्रमाणात राज्याभिषेक सोहळ्यात आपला सहभाग नोंदवला होता होता. गर्जा महाराष्ट्र प्रतिष्ठानच्या सर्व सदस्यांनी गड उतरताना गडाच्या वाटेवर असणारा प्लास्टिक कचरा स्वच्छ करण्याचे प्रेरणादायी कार्य केले. प्रतिष्ठान तर्फे दरवर्षी म्हसळा तालुक्यांमध्ये अनेक कार्यक्रमांचे आयोजन करण्यात येत असते. त्यामध्ये शिवजयंतीला किल्ले रायगडावरून मशालज्योत आणने, शिवपालखी मिरवणूक काढणे, सायकल रँली, सार्वजनिक दहीहंडी उत्सव, मराठी राजभाषा दिन साजरा करणे, दिवाळीमध्ये किल्ले स्पर्धा तसेच रांगोळी स्पर्धा, मान्यवरांचे व्याख्यान असे अनेक उपक्रम वर्षभरात आयोजित करण्यात येत असतात. 

      किल्यावरील प्लास्टीक व कचरा सफाईसाठी   गर्जा महाराष्ट्र प्रतिष्ठानचे संस्थापक-अध्यक्ष श्री.  सचिन करडे, राजेश (दादा) करडे, युवराज करडे, प्रणय साळवी, शूभम करडे, श्लोक करडे, अनिकेत तांबट, समृद्धी सुकाळे, पंकज पोतदार, सेजल करडे, भालचंद्र करडे, सुनिल होशाले आदींनी मेहनत घेतली.