श्रीवर्धन प्रतिनिधी संतोष सापते
रमजान महिन्याच्या सांगता प्रसंगी रायगड जिल्ह्यात सर्वत्र एकाच वेळी बुधवारी मुस्लिम समाजा कडून ईद साजरी करण्यात आली .ईद हा नाविन्याचा प्रतीक असलेला सण आहे. शांतता , प्रेम ,ईश्वराची भक्ती ,दया ,व करुणा हा संदेश रमजान मधील " रोजा "द्वारे दिली जातो.
आज शहरातील मुघल मोहल्ला ,बागवान मोहल्ला ,घोली मोहल्ला ,सरखोत मोहल्ला ,आयर मोहल्ला ,पुलपार मोहल्ला ,मुळगाव मोहल्ला मध्ये ईद जल्लोषात साजरी करण्यात आली . पारंपरिक पेहराव परिधान केलेल्या लहान मुलांच्या उत्सवाला उधाण आले होते .शहरातील सर्व जाती धर्माच्या लोकांनी मुस्लिम बांधवांना ईद च्या शुभेच्छा दिल्या त्या तून जातीय सलोखा व प्रेम निदर्शनांस येत होते .विविधतेत एकता असलेल्याचे चित्र सर्वत्र दिसत होते .
बुधवारी सकाळी मोघल मस्जिद च्या प्रांगणात श्रीवर्धन पोलीस दला कडून मुस्लिम बांधवांना पुष्पगुच्छ देऊन ईद च्या शुभेच्छा देण्यात आल्या .मंगळवारी सायंकाळी 07:45 ला चंद्र दिसल्या नंतर ईद सणाच्या तयारी ला सुरुवात झाली .श्रीवर्धन मधील सर्व बाजार पेठेत ग्राहकांची गर्दी निदर्शनांस आली . सुकामेवा ,फळे ,मटण ,कापड दुकाने व सोना चांदी खरेदी साठी ग्राहकानी रांगा लावल्या होत्या .शहरातील केसकर्तनलाय रात्र भर चालू होते.
श्रीवर्धन तालुक्यातील दिघी, पंचतन , दिवेआगार ,शेखार्डी ,आरावी , वाळवंटी ,आराठी ,जसवली ,रानवली ,सायगाव ,बागमंडला , कोलमांडला सर्व ठिकाणी ईद जल्लोषात साजरी करण्यात आली .
Post a Comment