२०१९ चा खासदार मीच : सोबत आता श्रीवर्धन चा आमदार सुध्दा शिवसेनेचाच असणार: अनंत गिते.

म्हसळ्यांत गीते यानी केली ४० लक्ष रुपयांची उद्घाटन  व  भूमीपूजन

संजय खांबेटे : म्हसळा 

        केंद्रीय अवजड उद्योग मंत्री व रायगडचे खासदार अनंत गीते यानी आज म्हसळे तालुक्यात कांदळवाडा,खरसई व तुरूंबाडी येथे ४० लक्ष रुपयांचे विविध लोकोपयोगी कामांची उद्घाटन  व  भूमीपूजन केले. यामध्ये कांदळवाडा येथील साठवण टाकी व. तुरूंबाडी येथील सामाजिक सभागृह यांची उद्घाटन व कांदळवाडा समाजमंदीर, खरसई साठवण टाकी, समाज मंदीर व अंर्तगत रस्ते असे रु ४० लक्ष चे भूमीपूजन कार्यक्रम संपन्न झाले . या सर्व कामाना  ना. गीते,खा. अनिल देसाई व खासदार संजय राऊत यांचा निधी उपलब्ध झाल्याचे ता.प्रमुख शिर्के यानी सांगितले. यावेळी श्रीवर्धनचे माजी आमदार तुकाराम सुर्वे . शिवसेना तालुका प्रमूख नंदु शिर्के, माजी सभापती .महादेव  पाटील, रवींद्र लाड , अनंत नाक्ती, सरपंच धोंडीबाई चाळके,पांडूरंग बने अनिकेत पानसरे ,अमित महामुनकर , गणू बारे , हेमंत नाक्ती, महिला आघाडी प्रमूख सौ.रीमाताई महामुनकर , सौ.निशाताई पाटील,तसेच चारही विभागातील विभाग प्रमुख , शिवसेना पदाधिकारी व शिवसैनिक मोठया संखेने उपस्थित होते.

  केंद्रीय मंत्री गीते यानी तीनही ठिकाणी २०१९ च्या लोकसभेत मी सलग ७ व्यांदा रायगडचे प्रतिनिधीत्व करणार आहे असे आत्मविश्वासाने सांगत मला श्रीवर्धन विधानसभेत सुध्दा शिवसेनेचाच प्रतिनिधी निवडून आणायचा आहे असे सांगत उपस्थित शिवसैनीकाना  व  बहुसंख्य कुणबी समाजाला बळ दिले.तुरूंबाडी येथील कोळी बांधवांचा "महादेव कोळी" या बाबत केंद्र स्तरावर विशेष पाठपुरावा करणार असल्याचे सांगितले , रायगड मतदार संघात कुणबी समाजाची शक्ती फार मोठी आहे, त्यांची सार्वजनिक जिवनातील सकारात्मकता व प्रामाणिक पणाची सर्वांनाच जाणीव आहे मी कुणबी समाजासाठी २.५ कोटी खर्च करून लौकरच मुंबईतील  मुलुंड येथे सुसज्ज वसतीगृह बांधणार असल्याचे सांगितले. शिवसेनेच्या आजच्या कार्यक्रमांत

शिवसैनिकांसमवेत कुणबी समाजातील कार्यकर्ते बहुसंखेने होते.