म्हसळा : प्रतिनिधी
म्हसळा तालुक्यात ३० खाटांचे ग्रामीण रुग्णालय , म्हसळा , मेंदडी व खामगाव अशी तीन प्राथमिक आरोग्य केंद्र आणि पाभरे येथे एक जिल्हा परिषद दवाखाना व तालुक्यात नेवरुळ , जांभूळ , तळवडे , मेंदडी , वारळ , खरसई , खामगांव , वावे व आंबेत अशी ९ उपकेंद्र असा आरोग्याचा डोलारा आहे ; पण तो पोकळ असल्याची नागरिकांत चर्चा आहे. या पाच दवाखान्यांसाठी शासनाच्या संकेतानुसार १२ डॉक्टर लागतात . त्यापैकी केवळ ४ डॉक्टर कार्यरत आहेत . उर्वरीत पदे रिक्त आहेत . ग्रामीण रुग्णालयात वैद्यकीय अधीक्षकासह अन्य दोन वैद्यकीय अधिकारी , म्हसळा व मेंदडी येथील प्रत्येकी दोन वैद्यकीय अधिकारी व तालुका आरोग्य अधिकारी असे डॉक्टरच नसल्यामुळे तालुक्यात आरोग्याचा पुरता आहे बोजवारा वाजला . त्यामुळे तालुक्यातील जनतेला असेल त्या दर्जाची व महागडी खाजगी आरोग्य सेवा घ्यावी लागते . सर्व प्रकारामुळे म्हसळा प्राथमिक आरोग्य केंद्रांर्तगत म्हसळा शहर वगळता येणारी सुमारे १७ हजार लोकसंख्येची २२ गावांतील नागरिक मेंदडी प्राथमिक आरोग्य केंद्रातील १६ गावातीत १५ हजार २०७ नागरिक शासकीय आरोग्य सेवेपासून वंचित आहेत .
शासनाच्या ढिसाळ कारभारामुळे ' डॉक्टर एक , पदे ५ ’ ही आरोग्याची आहे स्थिती . प्राथमिक आरोग्य केंद्र बोलींपंचतन येथील मेडीकल ऑफिसरकडे १ ) श्रीवर्धन तालुका आरोग्य अधिकारी २ ) म्हसळा तालुका आरोग्य अधिकारी ३ ) वैद्यकीय अधिकारी म्हसळा ४ ) वैद्यकीय अधिकारी मेंदडी असे एकूण पाच ठिकाणचे काम केले जाते . ह्या गोंधळाकडे शासनाचे व सावळ्या स्थानिक लोकप्रतिनिधींचे दुर्लक्ष आहे.
Post a Comment