हिंदू ग्रामस्थ मंडळ, म्हसळा कडून नारळी पौर्णिमा उत्साहात साजरी, म्हसळ्याच्या सुख समृद्धीसाठी दर्याला साकडे..

हिंदू ग्रामस्थ मंडळ, म्हसळा कडून नारळी पौर्णिमा उत्साहात  साजरी , ग्रामस्थ व अधिकाऱ्यांचे म्हसळ्याच्या सुख समृद्धीसाठी दर्याला साकडे...

म्हसळा : सुशील यादव

नारळी पौर्णिमे निमित्त दर्याला नारळ अर्पण केल्यानंतर कोळी बांधव मच्छीमारीसाठी समुद्रात उतरतात . ज्याप्रमाणे कोळी बांधव हा सण उत्साहात साजरे करतात त्याचप्रमाणे समस्त  कोकणातील हिंदू बांधव नारळी पौर्णिमा हा सण तेवढयाच उत्साहात साजरे करतात . म्हसळा शहरवासीय देखील यात मागे नाहीत .नारळी पौर्णिमेच्या निमित्ताने शहरातील हिंदू ग्रामस्थ व शासकीय अधीकारी  यांनी एकत्रीत रित्या नारळ अर्पण करून म्हसळ्याच्या सुख समृद्धीसाठी दर्याला साकडे घातले . दरवर्षी म्हसळा शहरातील हिंदू ग्रामस्थ मंडळ नारळी पौर्णिमेच्या कार्यक्रमाचे आयोजन करते .सालाबादप्रमाणे याही वर्षी नारळी पौर्णिमेनिमित्त म्हसळा शहरातील शेकडोंच्या संख्येने हिंदू ग्रामस्थ वाजत गाजत या कार्यक्रमात सहभागी झाले होते . प्रत्येक जण आपापला नारळ घेऊन तो दर्याला अर्पीत करण्यासाठी मोठ्या भक्तीभावाने या कार्यक्रमात सहभागी झाला होता . सामान्य नागरीकांसोबतच म्हसळा  तहसिल कार्यालयाचा नारळ , पोलीस ठाण्याचा नारळ घेऊन तहसिलदार रामदास झळके व सहाय्यक पोलीस निरीक्षक  सुदर्शन गायकवाड हे देखील आपापल्या सहकारी कर्मचाऱ्यांसमवेत या कार्यक्रमात सहभागी झाले होते .या कार्यक्रम प्रसंगी हिंदू ग्रामस्थ मंडळाचे अध्यक्ष सुभाष करडे, उपाध्यक्ष नंदकुमार गोविलकर , सचिव सुशील यादव , नायब तहसिलदार भांबरे ,महादेव पाटील , दिलीप कांबळे , अशोक काते, नंदू सावंत , खंगारसींग रजपूत , योगेश करडे , गौरव पोतदार , बाबू शिर्के ,सचिन क . करडे , समिर बनकर , आर्यशिल मोहीते , श्याम कराडे ,मंगेश म्हशिलकर, संजय कर्णिक ,यतिन  करडे ,प्रकाश करडे , निलेश करडे यांच्यासहीत नगरसेविका संपदा पोतदार , टिना करडे , गौरी पोतदार , सरोज म्हशिलकर आदी भगिनी देखील उपस्थित होत्या .

छाया : सुशील यादव