श्रीवर्धन प्रतिनिधी संतोष सापते
ऐतिहासिक पार्श्वभूमी व निसर्ग सौंदर्याचे वरदान असलेल्या श्रीवर्धन तालुका पर्यटकांनी गजबजला आहे .शालेय सुट्टी व दिवाळी साजरी करून कौंटूंबिक सहलीसाठी पर्यटक श्रीवर्धन ला पसंती देत आहेत .
श्रीवर्धन तालुक्यात पर्यटन व्यवसायाला गती प्राप्त झाली आहे. दरवर्षी प्रमाणे या वर्षी नोव्हेंबर महिन्यापासून पर्यटकांची लगबग श्रीवर्धन मध्ये सुरू झाली आहे . वातावरणातील अल्हाददायक गुलाबी थंडी , निसर्ग सौंदर्य व सुट्टी चा आठवडा असे योग जुळून आला आहे. श्रीवर्धन नगरपालिकेने नोव्हेंबर महिन्याच्या पाच तारखेपासून 13 तारखेपर्यंत 30,005 च्या जवळपास पर्यटन निधी चे संकलन केले आहे.नगरपालिकेने पर्यटकां साठी ,समुद्र किनारा सुशोभीकरण ,प्रसाधन गृहे व जीवरक्षक दल यांची व्यवस्था केली आहे .
श्रीवर्धन तालुक्यातील श्रीवर्धन शहर, हरिहरेश्वर, दिवेआगार व दिघी या ठिकाणी मोठया प्रमाणात गर्दी झाली आहे. शहरातील पेशवे स्मारक ,सोमजाई मंदिर, जीवना बंदर ,जीवनेश्वर मंदिर , लक्ष्मीनारायण मंदिर व समुद्र किनारा या ठिकाणी पर्यटक भेटी देत आहेत.हरिहरेश्वर ही दक्षिण काशी असल्याने पर्यटक व भाविकांनी हरिहरेश्वर मध्ये मोठ्या संख्येने उपस्थित दर्शवली आहे . दिवेआगार चा सुंदर समुद्र किनारा व सुवर्ण गणेशाचे निवासस्थान पर्यटकांना आकर्षित करत आहे. नारळ सुपारीच्या बागा ,कौलारू घरे व फेसळणारा समुद्र पर्यटकांच्या पसंतीला उतरत आहे .श्रीवर्धन व म्हसळा पोलिसांनी वाहतुकीचे नियोजन सुव्यवस्थित केले आहे तरी सुद्धा म्हसळा बाजार व श्रीवर्धन मधील शिवाजी
वाहतुक गर्दी झाल्याचे निदर्शनांस येत आहे .
पर्यटकांनी श्रीवर्धन मध्ये जास्तीत जास्त काळ वास्तव्य करावे या दृष्टीने सकारात्मक भूमिका आम्ही नगरपालिकेकडून घेत आहोत .वाहतुकीचा प्रश्न बिकट आहे परंतु लवकरच रस्त्याचे काम मार्गी लावले जाईल .पर्यटनकांना जास्तीत जास्त सुविधा उपलब्ध करून देण्याचा प्रयत्न आहे .
-वसंत यादव (पर्यटन सभापती श्रीवर्धन नगरपालिका)
श्रीवर्धन मध्ये पर्यटन वृद्धी व्हावी या साठी नगरपालिका सदैव तत्पर आहे .समुद्र किनाऱ्यावर पर्यटकांच्या सुरक्षेची योग्य ती सर्व काळजी घेतली जात आहे. सी सी टीव्ही कॅमेरे व जीवरक्षक यांची व्यवस्था केली आहे .पर्यटकांना सोई सुविधा उपलब्ध करण्यास प्राधान्य दिले आहे .
-रविकुमार मोरे (मुख्याधिकारी नगरपालिका श्रीवर्धन)
Post a Comment