श्रीवर्धन(प्रतिनिधी ):- कोरोना काळात अंगणवाडी सेविकांनी त्यांच्या कार्यक्षेत्रपलीकडे जाऊन काम केलं आहे कोरोनाला रोखण्यात अंगणवाडी सेविकांचा सिंहाचा वाटा असल्याचे सांगत जिल्ह्यातील सर्व अंगणवाडी सेविकांची पाठ थोपटली. श्री. सुनील तटकरे युवा प्रतिष्ठान यांच्या विद्यमाने अंगणवाडी सेविका याना किट वाटप रायगड जिल्हा परिषद महिला व बालकल्याण विभागाच्या वतीने महिला बचत गटांना साहित्य वाटप व श्रीवर्धन महसूल विभागाच्या वतीने डिजिटल सातबारा वाटप कार्यक्रमात कुणबी समाज हॉल श्रीवर्धन येथे त्या बोलत होत्या. यावेळी व्यासपीठावर श्रीवर्धन मतदार संघ अध्यक्ष महंमद मेमन, तालुकाध्यक्ष दर्शन विचारे, महिला बालकल्याण सभापती गीता जाधव, तालुका उपाध्यक्ष अमित खोत, नगराध्यक्ष फैसल हुर्जुक, उपनगराध्यक्ष यशवंत चौलकर, शहरअध्यक्ष जितेंद्र सातनाक, जी प सदस्या प्रगती अदावडे ,पं स सदस्य मंगेश कोमनाक, प्रांताधिकारी अमित शेडगे ,तहसीलदार सचिन गोसावी ,गटविकास अधिकारी उद्धव होळकर ,आदी मान्यवर उपस्थित होते.
आज जिल्ह्यातील सर्व अंगांवड्यामध्ये किटचे वाटप देखील रायगड जिल्हा परिषदेच्या महिला व बाल कल्याण विभागाच्या वतीने करत आहोत. त्याचबरोबर महिला बचत गटांना शिलाई मशीन, भजनी मंडळांना भजनाचा साहित्य आदि साहित्य वाटप होत आहे. लहान मुलांचा भवितव्य घडवण्याचं काम अंगणवाडी सेविकांच्याकडून होत असून कोरोना काळात देखील अंगणवाडी सेविकांना कार्यक्षेत्रांच्या पलीकडे जाऊन कार्य केले. याची दखल घेत महिला व बालकल्याण खात्याकडून त्यांचा कोविड योद्धा म्हणून सत्कार करण्याच्या सूचना यावेळी ना. आदितीताई तटकरे यांनी महिला व बालकल्याण सभापती जाधव यांना केल्या.
ज्यावेळी कडक निर्बंध लागू होते त्यावेळी जबाबदारी पार पाडताना कुठेही कसलीही कसर केली नाही. त्यावेळी देखील या आंगणवाडी सेविकांनी गावातील नागरिकांचा रोष घेऊन आरोग्याला प्राधान्य दिलं आहे. येत्या काही दिवसात श्रीवर्धन नगरपालिका हद्दीत लसीकरण मोहीम सुरू केली जात आहे. श्रीवर्धन न पा माध्यमातून जास्तीत जास्त नागरिकांना लस देण्याचं काम करत आहोत. तालुक्यात कॅम्प सुरू आहे. शहरात सुद्धा प्रत्येक वार्डात लसीकरण राबवण्यात येणार आहे. घटस्थापना असली तरी लसीकरणात जास्तीत जास्त प्रतिसाद मिळावा जास्तीत जास्त नागरिकांनी लसीकरण करून घेण्याचं आवाहन पालकमंत्री ना. आदितीताई तटकरे यांनी केला आहे.या वेळी श्रीवर्धन तहसील कार्यालयाच्या वतीने मोफत डिजिटल सातबारा वितरण करण्यात आले
إرسال تعليق