तळा(किशोर पितळे): तळा तालुक्यातील भानंग ग्रामपंचायतीत वसुंधरा सामाजिक कौशल्य विकास संस्था (कोल्हापूर) आणि भानंग ग्रामपंचायत यांच्या संयुक्त विद्यमाने भानंग गावामध्ये तीन दिवसाचे प्रशिक्षण शिबीर ११ ते १३फेब्रुवारी या कालावधी मध्ये संपन्न झाले.या कार्यक्रमाची सांगता दि.(१३) फेब्रुवारी रोजी करण्यात आली.या कार्यक्रमासाठी प्रमुख पाहुणे दिव्यांग संघटनेचे तळा तालुकाअध्यक्ष किशोर पितळे, तळा तालुका मराठी पत्रकार संघटनेचे अध्यक्ष संजय रिकामे उपस्थित होते त्याचबरोबर भानंग ग्रामपंचायतीचे सरपंच रघुनाथ वाघरे, सचिव श्री. सोनटक्के,तंटामुक्त माजी अध्यक्ष कृष्णा काप, ग्रा. पं. सदस्य लक्ष्मण काते, सौ. सुलोचना रेवाळे, कानु विचारे, सुरेश पवार, संतोष वाघरे, यशवंत वाघरे, वसुंधरा सामाजिककौशल्य विकास संस्था (कोल्हापूर) चे अध्यक्ष मानशिंंग सावरे, श्रीमती पाशीलकर, श्रीमती कदम भानंग ग्रामपंचायतीतील हद्दीतील महिला, ग्रामस्थ मोठ्या संख्येने उपस्थित होते.
या प्रशिक्षणाचे प्रमुख उदिष्ट ग्रामीण भागातील गरीब, निराधार, गरजु तसेच कष्टकरी महीलांना लघु उद्योगाच्या माध्यमातून त्यांचे आर्थिक सबलिकरण करुन त्यांना सक्षम करणे, महिलांना गरीबीतुन बाहेर येण्यासाठी आवश्यक सहाय्यता देणे, ग्रामीण भागातील गरीब महीलांना एकत्रित करुन त्यांना स्वयंसहाय्यता गटांमध्ये सहभाग करुन त्यांच्या संस्थेची क्षमतावृध्दी कौशल्य वाढविण्यासाठी ग्रामपंचायतीने मसाला बनविण्याचे प्रशिक्षण वसुंधरा सामाजिक कौशल्य विकास संस्था कोल्हापूर या संस्थेकडून दोन दिवस देण्यात आले. गरम मसाला, दुध मसाला, शेंगदाणे लसुणाची चटणी सर्व तिखट मसाले एकूण पंचवीस विवीध प्रकारच्या मसाल्यांचे प्रशिक्षण यावेेळी देण्यात आले. वसुंधरा सामाजिक कौशल्य विकास संस्था कोल्हापूर या संस्थेच्या माध्यमातून ग्रामीण भागातील महिलांंना गृहोपयोगी मसाले पदार्थ बनविण्याचे प्रशिक्षण देऊन महिला सबळीकरण करण्यास मदत केली आहे. ग्रामीण भागातील प्रमुख शेती हे एकमेव व्यवसाय आहे.तो कालावधी नंतर आर्थिक उत्पन्नाचे साधन काहीच नाही. त्यामुळे फावल्या वेळात या गोष्टी करून आर्थिक स्त्रोत होण्यास निश्चितच मदत होईल वमहीला आधिक आर्थिक दृष्टीने सक्षम होऊन बाजारात या विक्रीसाठीकरता येतील यासंस्थेने अतिशय स्तुत्य उपक्रम राबविल्याबद्दल पत्रकार संजय रिकामे यांनी मनोगतात व्यक्त केले.
मुलींच्या जन्माचे स्वागत
तिसऱ्या दिवशी मुलींच्या जन्माचे स्वागत ग्रामपंचायतीच्या वतीने करण्यात आले. ज्या मातेने मुलींना जन्म दिला त्या मातेचा सत्कार यावेळी करण्यात आला. मुलीचा जन्म हा नैसर्गिक असून स्त्रीभ्रुण हत्येचा निषेध यावेळी करण्यात आला. मुलगी जन्माला आल्यानंतर तीचे महत्व बोधगीताने करण्यात आले. मुलीचे प्रत्येकाच्या कुटूंबातील महत्व यावेळी सांगण्यात आले. मुलीला जन्म देणाऱ्यामातेला साडी चोळीचे वाटप या कार्यक्रमाच्या निमीत्ताने करण्यात आले.
दिव्यांग व्यक्तींना अनुदान वाटप.
भानंग ग्रामपंचायतीच्या माध्यमातून दिव्यांग व्यक्तींना अनुदान वाटप यावेळी करण्यात आले. दिव्यांग व्यक्ती जरी काही कारणाने सर्व सामान्य व्यक्तींसारखी वावरत नसली तरी आत्मविश्वासाच्या बळावर आपल्या जीवनाचा उत्कर्ष करु शकते त्यांचा आत्मविश्वास वाढविण्याच्या दृष्टीकोनातुन भानंग ग्रामपंचायत हद्दीतील सर्व दिव्यांग बांधव आणि भगीनींना भानंग ग्रामपंचायतीच्या वतीने ५%अनुदान वाटप करण्यात आले. दिव्यांग बांधवांना मोलाचे मार्गदर्शन दिव्यांग तळा तालुका अध्यक्ष किशोर पितळे यांनी यावेळी केले. हा कार्यक्रम यशस्वी करण्यासाठी भानंग ग्रामपंचायतीचे सरपंच रघुनाथ वाघरे, सचिव श्री. सोनटक्के, ग्रामपंचायतीतील सर्व सदस्य, अंगणवाडी सेविका, ग्रामपंचायत कर्मचारी यांनी विशेष मेहनत घेतली.प्रशिक्षण घेणाऱ्या महिलांना तसेच दिव्यांग बांधवांना प्रमाणपत्राचे व अनुदानाचे वाटप भानंग ग्रामपंचायत सरपंच रघुनाथ वाघरे यांच्या शुभहस्ते करण्यात आले.ग्रामपंचायत भांनग यांचे १०%निधीतून महिला बालकल्याण निधी अंतर्गत, अगंणवाडीपुरक पोषण आहार अनुदान देण्यात आले. व१४व्या वित्त आयोगातंर्गत किशोर वयीन मुलींना व महीलांना सँनिटरी नँपकिन वाटप उपस्थित मान्यवरांच्या हस्ते करण्यात आले.
إرسال تعليق